Асҡын үҙәк район дауаханаһына, ”Оҙайлы һәм әүҙем тормош” милли проектына ярашлы, заманса күсмә рентген аппараты алынды. Аппарат дауахана палаталарында диагностика үткәрергә ярҙам итә. Был айырыуса аҙ хәрәкәтләнеүсән пациенттар өсөн бик мөһим. Ҡорамалға урынлаштырылған һанлы технологиялар ярҙамында табип компьютер экранында һүрәттәрҙе юғары сифатта күрә ала. “Аппаратты маневрҙар һәм шасси ярҙамында бик еңел күсерергә мөмкин. Был да ҙур уңайлыҡ тыуҙыра”, – тине дауахананың хирургия бүлексәһе мөдире Риф Мөхәмәтов. Оҙайлы һәм әүҙем тормош” милли проекты (нацпроект “Продолжительная и активная жизнь”) “Һаулыҡ һаҡлау” милли проектын һәм элекке ҙур ҡоласлы “Демография” проектының ҡайһы бер йүнәлештәрен артабан үҫтерәсәк. Тәү сиратта ярҙам сараларын ғүмер оҙайлығы илдәге уртаса күрһәткестән артта ҡалған төбәктәр һәм ауылдар аласаҡ. Милли проект һаулыҡ һаҡлауҙың тәүге звеноһын артабан яңыртыуға йүнәлтелгән, йөрәк-ҡан тамырҙары, онкология һәм диабет сирҙәре менән көрәш буйынса федераль программ