🔺Toshkent davlat tibbiyot universiteti Rektorining Xalqaro Volontyorlar kuni munosabati bilan tabrigi
💠Hurmatli talabalar, aziz volontyorlarimiz
hamda butun yurtimizning fidokor yoshlari!
🔘Sizlarni chin yurakdan Xalqaro volontyorlar kuni bilan tabriklayman!
🔺Bu kun – mehr-oqibat, fidoyilik, mas’uliyat va insonparvarlik ramzi bo‘lgan ezgu insonlarning bayramidir. Jamiyatda yaxshilik urug‘ini ekayotgan, boshqalarga yordam qo‘lini cho‘zayotgan har bir volontyor oldida bosh egaman.
🔺Bugungi kunda O‘zbekistonda volontyorlikka davlat darajasida katta ahamiyat qaratilmoqda, yoshlarning ijtimoiy faolligini qo‘llab-quvvatlash bo‘yicha yangi imkoniyatlar yaratilmoqda. Mamnuniyat bilan ta’kidlamoqchimanki, aynan bizning universitetimiz volontyorlik yo‘nalishida mamlakatda yetakchi maskanlardan biridir.
🖐Universitetimizda Делай Добро-Yaxshilik Qil, Ekomed va Hamsa charity kabi tashabbuslar faol va samarali faoliyat yuritib, talabalarning ijtimoiy, ekologik ва tibbiy sohalardagi tashabbuslarini birlashtirib kelmoqda.
😇Alohida ta’kidlash joizki, Делай Добро-Yaxshilik Qil volontyorlari joriy yilda bir nechta xalqaro mukofotlarga sazovor bo‘ldi, shuningdek, chet elda o‘tkazilgan nufuzli anjumanlarda yurtimiz yosh volontyorlari nomidan spiker sifatida ishtirok etdi. Ularning muvaffaqiyatlari universitetimizning sha’ni va obro‘sini yanada yuksaltirdi.
🇺🇿Shuningdek, bir necha yildirki universitetimiz talabalari tibbiy volontyorlik yo‘nalishini faol rivojlantirib kelayotgani meni nihoyatda quvontiradi. Sizlarning profilaktika, ijtimoiy-ma’rifiy, xayriya va klinik loyihalardagi faol ishtirokingiz jamiyat salomatligiga katta hissa bo‘lib, sizni haqiqiy mehribon, mas’uliyatli va yetuk inson sifatida ko‘rsatmoqda.
🖐Aziz volontyorlar!
Sizlarning cheksiz ezgulikingiz, fidoyiligingiz, tashabbuskorligingiz va doimo yonimizda bo‘lishga tayyorligingiz – universitetimizning qalbi, faxri va kelajagidir.
🔺Barchangizga mustahkam sog‘liq, yangi yutuqlar, bardavom ilhom va yaxshilik yo‘lida ulkan muvaffaqiyatlar tilayman. Siz qilayotgan har bir ezgu ish – odamlar hayotiga yorug‘lik olib kiradi.
Hurmat bilan,
🇺🇿ToshDavTU rektori Sh.A.Boymuradov
✅Rasmiy sahifalarimiz:
Telegram | Facebook | Instagram | YouTube | X | Linkedin
