☦️Унікальны ракурс Свята-Пакроўскага сабора ў Гродне: апублікавана рэдкае фота часоў Першай сусветнай вайны
У сетцы з’явіўся рэдкі здымак Свята-Пакроўскага сабора ў Гродне, зроблены ў перыяд Першай сусветнай вайны. Фота ўражвае незвычайным ракурсам: замест традыцыйнага выгляду з боку вуліцы Ажэшкі храм зафіксаваны з тылу — з боку, які сёння цалкам забудованы, піша гістарычны Telegram-канал @thehrodna1127
Гістарычны кадр адкрывае, як выглядала прастора вакол сабора да з’яўлення пазнейшых манументальных будынкаў. У правай частцы здымка, за дрэвамі, цяпер размяшчаецца былы Дом афіцэраў. Злева ад храма, дзе на фота бачны зялёны масіў, у пазнейшыя гады быў пабудаваны адзін з карпусоў ГрДУ імя Янкі Купалы.
Такім чынам, рэдкі здымак фіксуе не толькі выгляд сабора ў гістарычны момант, але і страчаны гарадскі ландшафт Гродна, які сёння немагчыма пабачыць у такой форме.
