Өфөнөң “Торатау” конгресс-холында барған XVIII Халыҡ-ара бизнес аҙналығы эшен дауам итә, бөгөн унда, төрлө секцияларҙан тыш, пленар ултырыш та үткәрелде. “Глобаль мәсьәләләр эпохаһындағы хеҙмәттәшлек стратегияһы” тип аталған пленар ултырышта Башҡортостан Хөкүмәте Премьер-министры Андрей Назаров, Рәсәй Иҡтисади үҫеш министрлығының Тышҡы сауҙа академияһы ректоры Виттория Иҙрисова, бәләкәй һәм урта эшҡыуарлыҡтың “ОПОРА РОССИИ” Бөтә Рәсәй йәмәғәт ойошмаһы президенты Александр Калинин, Ҡаҙағстандың сәнәғәт һәм төҙөлөш вице-министры Рахымжан Исакулов, Һиндостан сәйәсмәне, адвокат, йәмәғәт эшмәкәре, “Һиндостан халыҡ партияһы”ның вице-президенты, Һиндостандың билбаулы көрәш федерацияһының өлкән вице-президенты Раджеш Багха ҡатнаштылар. “Ошоға саҡлы беҙ чиновникты стратег, ә эшҡыуарҙы тактик тип иҫәпләй инек. Хәҙер ҡараш үҙгәрә: эшҡыуарға стратег булыуҙан башҡа сара ҡалмай, сөнки ул инвестицияны ҡайҙа һәм күпме йүнәлтергә, нисә йылдан табыш ала башларға икәнен ҡабат-ҡабат иҫәпләп, алдан ана