💠Imkoniyati cheklangan o‘quvchilar uchun tibbiy ko‘rik: hamkorlikda amalga oshirilgan muhim qadam
🔺Toshkent davlat tibbiyot universitetiga biriktirilgan Toshkent shahar Mirzo Ulug‘bek imkoniyati cheklangan shaxslar uchun ixtisoslashtirilgan maxsus texnikum o‘quvchilari uchun keng qamrovli tibbiy ko‘rik tashkil etildi.
🔺Mazkur tadbir Toshkent davlat tibbiyot universitetining qator klinik kafedralari professor-o‘qituvchilari ishtirokida amalga oshirildi. Ko‘rik jarayoni quyidagi mutaxassisliklar yo‘nalishlarini qamrab oldi:
• Nevrologiya, bolalar nevrologiyasi va tibbiy genetika
• Psixiatriya, narkologiya va bolalar psixiatriyasi
• Tibbiy psixologiya
• Otorinolaringologiya va bolalar otorinolaringologiyasi
• Endokrinologiya va bolalar endokrinologiyasi
• Dermatovenerologiya va bolalar dermatovenerologiyasi
Tibbiy ko‘rik doirasida mutaxassislar tomonidan har bir o‘quvchining sog‘liq holati atroflicha o‘rganildi, zarur hollarda qo‘shimcha tekshiruvlar tavsiya etildi va profilaktik hamda davolashga oid metodik ko‘rsatmalar berildi.
Ko‘rik natijalariga ko‘ra, ikki nafar o‘quvchida bolalar serebral fallaji (BSP), spastik diplegiya shakli aniqlangan bo‘lib, ularning sog‘liq holatidan kelib chiqib, Toshkent davlat tibbiyot universiteti klinikasining Nevrologiya bo‘limida rejali statsionar davolanish tavsiya etildi.
Ushbu tadbir imkoniyati cheklangan o‘quvchilar salomatligini qo‘llab-quvvatlash, erta aniqlash va sifatli tibbiy xizmat ko‘rsatish maqsadida amalga oshirildi. Toshkent davlat tibbiyot universiteti mutaxassislari kelgusida ham mazkur texnikum bilan hamkorlikda muntazam profilaktik tibbiy ko‘riklar va tushuntirish ishlarini davom ettiradi.
✅Rasmiy sahifalarimiz:
Telegram | Facebook | Instagram | YouTube | X | LinkedIn
