#Хомускүнүгэр
«Кыайыы хомуһа» акцияҕа түмсүүлэр кыттыстылар
Олоҥхо уонна Хомус дэкээдэтин чэрчитинэн Төхтүрдээҕи А.И. Борисов аатынан “Эркээни” култуура киинин көҕүлээһининэн Чапаевоҕа СР Бастакы Президенэ М.Е. Николаев архыып-бибилэтиэкэтигэр дойдубут үрдүгэр билигин буола турар балаһыанньаҕа сиэттэрэн, Улуу Кыайыы 80 сылыгар анаан тыыл, үлэ бэтэрээннэрэ Төхтүр нэһилиэгин бастакы хомусчуттарын үтүө өйдөбүллэригэр «Кэскил» норуодунай ансаамбыл хомусчуттара “Кыайыы хомуһа” диэн акция тэрийдилэр.
Акция сүрүн сыала - Анал байыаннай дьайыыга сылдьар уолаттарбытыгар алгыстаах хомуһу туттарыы, ыаллыы сытар нэһилиэктэрбит түмсүүлэрин сомоҕолооһун, уопут атастаһыыта, Төхтүр хомусчуттарын туһунан сырдатыы, маастар-кылаас ыытыы буолла.
Дария Захарова-Дайыына, А.И. Борисов аат. “Эркээни” КК уус-уран салайааччыта.
