Toshkent davlat tibbiyot universitetida kuz-qish mavsumida ko‘kalamzorlashtirish ishlari davom etmoqda
Ayni kunlarda Toshkent davlat tibbiyot universiteti hududida atrof-muhitni yanada obodonlashtirish va yashil maydonlarni kengaytirish maqsadida keng ko‘lamli ko‘kalamzorlashtirish ishlari olib borilmoqda. Ushbu tashabbus doirasida universitet hovlisi va ichki yo‘laklari bo‘ylab mevali hamda manzarali daraxt ko‘chatlari ekilmoqda.
Mazkur ekish ishlari nafaqat universitet hududining ekologik holatini yaxshilash, balki talabalar va professor-o‘qituvchilar uchun yanada qulay, sog‘lom hamda yashil ta’lim muhitini yaratishga xizmat qiladi. Shuningdek, ko‘chat ekish jarayonlarida fakultetlar, talabalar jamoalari va universitet xodimlari faol ishtirok etayotgani ushbu ekologik aksiyaning ahamiyatini yanada oshirmoqda.
TDTU rahbariyati tomonidan qayd etilishicha, kuz-qish mavsumida amalga oshirilayotgan ushbu bog‘dorchilik ishlari kelgusi bahor mavsumida universitet hududini yanada chiroyli, yashil va yanada jozibador maskanga aylantiradi.
✅Rasmiy sahifalarimiz:
Telegram | Facebook | Instagram | YouTube | X | Linkedin
