🎹 🪵 Пасля дзесяцігоддзя маўчання арган у Дзятлаве зноў загучаў
Старадаўні інструмент вярнуўся да жыцця пасля працяглай рэстаўрацыі, піша выданне @katolik_life
У парафіі Ўнебаўзяцця Найсвяцейшай Панны Марыі ў Дзятлаве адбылася доўгачаканая падзея — пасля больш як 10 гадоў маўчання зноў заграў старадаўні духавы арган. Інструмент быў адноўлены пасля складанай рэстаўрацыі і ўжо гучыць у касцёле.
Арган быў выраблены ў Вільні на пачатку ХХ стагоддзя, таму яго ўзрост перавышае 110 гадоў. Асаблівасць гэтага інструмента — унікальная рэгістравая трактура, якой няма больш ніводнага аргана ў Беларусі.
Першым за клавішы абноўленага аргана сеў майстар-арганіст Юрый Габрусь. Запіс гучання апублікавала парафія разам з раённай газетай.
Нагадаем, нядаўна новы арган з’явіўся яшчэ ў адным каталіцкім храме — касцёле святога Валянціна ў Смалявічах.
Фота і відэа: Каталікі Беларусі ў Facebook.
