🔺Toshkent davlat tibbiyot universitetida “25 noyabr – Xalqaro ayollarga nisbatan zo‘ravonlikka barham berish kuni” munosabati bilan ma’naviy-ma’rifiy tadbir o‘tkazildi
🔺Toshkent davlat tibbiyot universitetida “25 noyabr – Xalqaro ayollarga nisbatan zo‘ravonlikka barham berish kuni” munosabati bilan keng qamrovli ma’naviy-ma’rifiy tadbir tashkil etildi.
🔺Ushbu tadbir universitet Xotin-qizlar maslahat kengashi tashabbusi bilan o‘tkazilib, xotin-qizlar va talaba-qizlar o‘rtasida sog‘lom ijtimoiy-ma’naviy muhitni mustahkamlash, ularni tazyiq va har qanday shakldagi zo‘ravonlikdan himoya qilish, shuningdek, raqamli makonda uchraydigan xavf va tahdidlar haqida xabardorlikni oshirish maqsad qilingan.
🔺Dastur doirasida “Xotin-qizlarga nisbatan raqamli zo‘ravonlikka barham berish uchun birlashaylik” mavzusida suhbat va muhokamalar o‘tkazildi. Raqamli zo‘ravonlik tushunchasi, uning turlari, oldini olish choralari hamda xotin-qizlarning huquqiy va psixologik himoyasi yuzasidan muhim tavsiyalar berildi.
🔹Tadbirda Yunusobod tumani 2-IIB xotin-qizlar masalalari bo‘yicha katta inspektori kapitan Ubaydullaeva D.A., podpolkovnik Baxtiyeva K., leytenant Olimjonova K. ishtirok etib, talaba-qizlar uchun amaliy tavsiyalar, statistik ma’lumotlar va profilaktik choralarga oid ma’ruzalar taqdim etdilar.
💠Uchrashuvda jami 95 nafar talaba-qizlar qatnashib, mavzu bo‘yicha o‘zlarini qiziqtirgan savollarga javob oldilar hamda ayollarga nisbatan zo‘ravonlikka qarshi kurashda faol fuqarolik pozitsiyasining ahamiyati ta’kidlab o‘tildi.
✅Rasmiy sahifalarimiz:
Telegram | Facebook | Instagram | YouTube | X | Linkedin
