“Оҙайлы һәм әүҙем тормош” милли проектына ярашлы, Учалы дауаханаһына яңы заманса медицина ҡорамалы - яурын-ҡулдарҙы һауыҡтырыу өсөн роботлаштырылған механотерапия аппараты алынды. Аппарат пациенттарҙы ҡулбаш быуынына яһалған операцияларҙан һуң һауыҡтырыу, реабилитациялау, йәрәхәттәрҙе, сирҙәрҙе дауалау өсөн тәғәйенләнгән. Ҡорамал оҙайлы эш режимын тәьмин итә. – “Оҙайлы һәм әүҙем тормош” милли проекты граждандарҙың сәләмәтлеген оҙайлы һаҡлауға һәм тергеҙеүгә йүнәлтелгән. Уны тормошҡа ашырыу һөҙөмтәһендә беҙ яңы диагностика һәм дауалау ысулдарын индерә алабыҙ. Был медицина хеҙмәтләндереүе сифатын яҡшыртасаҡ һәм пациенттарға әүҙем тормошҡа әйләнеп ҡайтырға ярҙам итәсәк, -тине дауахананың баш табибы Илгиз Йосопов. “Оҙайлы һәм әүҙем тормош” проекты (нацпроект “Продолжительная и активная жизнь”) “Һаулыҡ һаҡлау” милли проектын һәм элекке ҙур ҡоласлы “Демография” проектының ҡайһы бер йүнәлештәрен артабан үҫтерәсәк. Тәү сиратта ярҙам сараларын ғүмер оҙайлығы илдәге уртаса күрһәткестән артта