2026 йылдың 25-27 февралендә Өфөлә “УралСтройИндустрия” халыҡ-ара күргәҙмә-форумы буласаҡ. Киң масштаблы был сара Рәсәйҙең төҙөлөш тармағының 2030 йылға тиклемге үҫеш йүнәлештәрен билдәләүсе һәм Башҡортостандың инвестиция ҡеүәтен күрһәтеүсе майҙансыҡҡа әүереләсәк. “Рәсәйҙең төҙөлөш тармағы: маҡсаттар, тренд, 2030 йылға тиклемге үҫеш йүнәлештәре” исемле пленар сессия форумдың нигеҙе булып торасаҡ. Сара барышында Башҡортостандың Төҙөлөш һәм архитектура министрлығы, Төҙөүселәр ассцңоциацияһы, шулай уҡ Урал һәм Волга буйы федераль округтарының Эҙләнеүселәр һәм проектлаусылар милли берекмәһе ултырыштары уҙасаҡ. Форумда төҙөлөш комплексының бөтә йүнәлештәрен үҙ эсенә алған 30-ҙан ашыу сара үткәреү планлаштырыла. ФЕКЕР Артем КОВШОВ, Башҡортостандың төҙөлөш һәм архитектура министры вазифаһын башҡарыусы: “Күргәҙмә төп эксперттарҙы, федераль һәм төбәк башҡарма власть органдары, тармаҡ ассоциациялары һәм эшҡыуарлыҡ вәкилдәре өсөн төҙөлөш һәм архитектура өлкәһендәге стратегик бурыстарҙы хәл ит