ФОТОФАКТ
Кыһыл Үрүйэ сүрүн оскуолатыгар Олоҥхо күнүн үөрүүлээхтик арыйдыбыт, оҕолорго нэһилиэкпитигэр олорон ааспыт олоҥхоһуттар тустарынан сырдаттыбыт.
Хачыкаакка "Сарыал" култуура киинигэр Дима Сулейманов "Модун Эр Соҕотох" олоҥхоттон быһа тардан толоруута, Прокопий Ядрихинскай-Бэдьээлэ "Дьырыбына Дьырылыатта кыыс-бухатыыр" олоҥхотун окуола дэгиттэр талааннаах оҕолорун толоруулара архыыптан көрдөрүлүннүлэр.
Маны сэргэ, "Саргы түһүлгэтэ" култуура уонна сынньалаҥ киинигэр тэриллибит Олоҥхо декадатын үөрүүлээх арыллыытыгар Нерюнгрига ыытыллыбыт Олоҥхо ыһыаҕар "Түөлбэ оһуокайын үйэтитээччи" анал аат кыайыылааҕа Людмила Максимова уонна "Түөлбэ чабырҕахсыттара" анал аат хаһаайыттара, Хачыкаат нэһилиэгин "Түһүлгэ түһүмэхтэрэ" чабырҕахсыттарын бөлөҕө көхтөөхтүк кытынныбыт.
Людмила Артамонова, Кыһыл Үрүйэ с.
