Нинди очракларда отпуск ялы өчен акчалата компенсация алып була

28 календарь көн дәвам иткән еллык түләүле отпуск - һәр хезмәткәрнең гарантияләнгән хокукы. Әмма файдаланылмаган ял көннәрен кайбер очракларда акчалата алу мөмкин булуын бар кеше дә белми.

Компенсация кайчан мөмкин?

Хезмәт законнары буенча, елына бер ял кимендә 14 көн тәшкил итәргә тиеш. Калган көннәрне хезмәткәр үзе теләгәнчә бүләргә мөмкин. Әгәр эш елы йомгаклары буенча хезмәткәрнең отпуск көннәре калса, эш бирүче:

• Аларны киләсе елга күчерергә;
• Акчалата компенсация түләргә тиеш.

Әлеге түләүгә кемнең хакы бар?

• Эштән китүче хезмәткәрләр - әгәр исәп-хисап вакытында файдаланылмаган ял көннәре калган булса.
• ”Тупланган" ял көннәре булган хезмәткәрләр - ял көннәре саны 28 дән артып киткәндә (мәсәлән, күпьеллык яллар тупланган).
• Эш бирүче һәм хезмәткәр килешүе буенча - хәтта азрак көн саны булганда да.

Кемгә компенсация бирүдән баш тартачаклар?

Закон отпускны акчага алмаштыруны тыя:

• Йөкле хатыннарга;
• Балигъ булмаган хезмәткәрләргә;
• Зарарлы һәм куркыныч производстволарда эшләүчеләргә.

Бу категорияләр өчен ял көннәрен күчерү мәҗбүри, чөнки ул сәламәтлекне саклау һәм артык аруны кисәтү белән бәйле.

Белү мөһим

Хезмәткәр, эштән китү очракларыннан тыш, елына стандарт 28 көннән артыграк ял көннәре өчен генә компенсациягә исәп тота ала. Бу чакта түләү турында карар, әгәр сүз хезмәт мөнәсәбәтләренең тәмамлануы турында бармаса, эш бирүче белән килешеп кабул ителә.

Исегезгә төшерәбез, ял хокуклары һәм аның компенсациясен алу бозылганда Дәүләт Хезмәт инспекциясенә яки судка мөрәҗәгать итәргә мөмкин.