#куз илҳомлари
Ноябрь
Бандамиз
Ҳукмига жонимиз Ватан,
Тақвими кунларни шардоздай эшар.
Осмонга қўлини очган боғлардан
Ҳавога тўш уриб учади қушлар...
Бирда уйқу қочган, бирда ранг қочган
Кечамиз, кундузмиз – кўрилган тушмиз.
Худо, деб тебраниб ҳавода учган
Мусофир қушлармиз, мусофир қушмиз...
Чайқалиб турибман, умрим увишган,
Елкамни келаклаб элар шамоллар.
Кўзнинг кўрганидан юрагим пишган,
Мендан бир мусофир олислаб борар.
Тупроқман, денгизман, йўлман тобора,
Ёмғирга қўшилиб ёғади кўнгил.
Дил – куйган мусофир, ортингга қара –
Ноябрь... Атрофда яна куз ҳосил!
Шамоллар қиблага қандай йўл солар,
Заминнинг устида бошланди қишлар.
Бўғзида борлиқни чайқатиб борар
Боғлардан “Худо” деб учган қушлар.
✍️Наргиза Одинаева
Каналимизга обуна бўлинг ва энг сўнгги янгиликларни кузатиб боринг
Jizzaxnews |Тelegram | Facebook | Dzen | YouTubе
