Һаҡсыл етештереү ҡоралдарын тормошҡа ашырыу Баймаҡ ҡойоу-механика заводына ҙур һөҙөмтәгә өлгәшергә мөмкинлек бирә: насостар һәм агрегаттар етештереү процесы 13 процентҡа һәм станинаны токарь менән эшкәртеү циклы 30,4 процентҡа ҡыҫҡартыла. “Һөҙөмтәле һәм конкурентлы иҡтисад” (национальный проект “Эффективная и конкурентная экономика”) милли проектының “Хеҙмәт етештереүсәнлеге” федераль проекты сиктәрендә предприятиела Төбәк компетенциялар үҙәге эксперттарының эш һөҙөмтәләре шундай, тип хәбәр иттеләр төбәк хеҙмәт етештереүсәнлеге өлкәһендәге компетенциялар үҙәгендә. – Персоналды үҙгәрештәргә әүҙем йәлеп иткән компаниялар максималь һәм, иң мөһиме, оҙайлы һөҙөмтә ала. Улар үҫеш өсөн эске двигатель булдыра, ул Төбәк компетенциялар үҙәге эксперттары менән проект тамамланғандан һуң да эшләүен дауам итә, — тип аңлатма бирҙе Башҡортостан Хөкүмәте Премьер-министрының беренсе урынбаҫары — иҡтисади үҫеш һәм инвестиция сәйәсәте министры Рөстәм Моратов. “БЛМЗ” акционерҙар йәмғиәтенең пилот йүнәлеше