“Әсә күңеле – ҡояш йылыһы” конкурсында Дәүләкән районынан Гөлназ Ҡотлоярова ла ҡатнаша. Ике ул һәм бер ҡыҙға ғүмер биргән әсә ғаиләһе менән Иҫке Яппар ауылында донъя көтә. 23 йыл элек Шишмә районы Яңы Усман ауылы ҡыҙы йәмле Дим буйында урынлашҡан ауылға килен булып төшкән. Гөлназ менән Фәнис Ҡотлояровтарҙың ҡотло ғиләһендә донъяға килгән Фәнгиз менән Илназ әле Өфө дәүләт авиация техник университетында белем ала, төпсөк балалары Азалия Дәүләкән ҡалаһындағы лицей-интернаттың 10-сы класында уҡый. Гөлназ Рәил ҡыҙы – ғаиләһенең ышаныслы тылы, ҡото. Яҡындарының тормош-көнкүрешенә йәм өҫтәргә яратҡан зат гөл-сәскә үҫтерергә ярата, ә ауыл тормошоноң бөткөһөҙ мәшәҡәттәренән арып киткәнендә, күңелен бейеү имләй. Башҡорт бейеүе менән мауыҡҡан ханым ауылда мәҙәни ойоштороусы булып, һуңғы йылдарҙа почта бүлексәһендә эшләгән, әлегә инде үҙен тотош ғаиләһенә бағышлаған. Гөлназ Рәил ҡыҙы ла – килен булып төшкәненән алып ҡәйнәһе менән дуҫ, татыу йәшәгән күркәм заттарҙың береһе. – Ҡыҙғанысҡа ҡаршы, ике