Бу матур бәйрәм алдыннан Вахит китапханәсендә «Яраткан әнигә бүләк» дигән балалар рәсемнәре күргәзмәсе оештырылды. Бу иң якын һәм иң кадерле кешегә багышланган җылы һәм ихлас бәйрәм. Әлеге күргәзмә -барыбызга да әниләребезне ничек яратуыбыз, кадерләвебез һәм хөрмәт итүебез турында сөйләү мөмкинлеге ул. Әни - дөньяда иң кадерле һәм иң кирәкле кеше, ул безне үзенең кайгыртуы, назы һәм мәхәббәте белән әйләндереп ала. Һәр бала өчен әни үзенеке һәм һичшиксез иң яратканы. Балалар кәгазь битенә төсле карандашлар һәм фломастерлар ярдәмендә әниләренең рәсемен ясадылар һәм котлау сүзләре белән бизәделәр. Күргәзмәдә катнашучылар эшләрендә ихласлык, мәхәббәт һәм үзләренең назлы хисләрен чагылдырдылар. Балаларның барлык рәсемнәре дә матур, якты, күңелне нечкәртә торган булып чыкты.