Стәрлетамаҡ ҡалаһының полиция хеҙмәткәрҙәре ҡалала йәшәүсе ағайға 470 мең һум аҡсаһын ҡайтартырға ярҙам иткән. Ул уны телефон аферистары курьерына биргән булған. Полицияға 79 йәшлек пенсионер мутлашыу осрағы тураһында ғариза менән мөрәжәғәт иткән. Хәл былай булған. Уға стационар телефонға йәнәһе лә телекоммуникация компанияһы хеҙмәткәре шылтырата һәм хеҙмәт күрһәтеү килешеүенең ваҡыты бөтөүе тураһында хәбәр итә. Уны оҙайтыу өсөн паспорт мәғлүмәттәрен әйтеүҙе һорай. Пенсионер был мәғлүмәттәрҙе әйтә һәм бәйләнеш өҙөлә. Күпмелер ваҡыттан һуң уның менән бәйләнешкә бер ир кеше сыға. Ул үҙен тәфтишсе тип таныштыра. Ул пенсионерҙың үҙенең шәхси мәғлүмәттәрен мутлашыусыларға биреүе тураһында хәбәр итә. Хәҙер аферистар дошман ойошмаһы иҫәбенә күсереү өсөн уның вкладынан аҡса алырға маташыуҙарын белдерә. Енәйәт эше ҡуҙғатыу менән янап, ялған тәфтишсе пенсионерҙы банк иҫәбенән бөтә аҡсаһын – 470 мең һумды алырға һәм пакетҡа һалып, Өфөгә килтерергә өгөтләй. Яман уйлы кешеләр пенсионерға такси саҡ