🔴live
Ayni damda TDTUda “Kelajakka qadam” dasturi doirasida bitiruvchilar uchun seminar-trening bo‘lib o‘tmoqda
Toshkent davlat tibbiyot universitetida 2025–2026 o‘quv yili bitiruvchi bosqich talabalari uchun “Kelajakka qadam” dasturi doirasidagi navbatdagi seminar-trening bo‘lib o‘tmoqda. Mazkur tadbir bitiruvchi yoshlarning kasbiy ko‘nikmalarini mustahkamlash, mehnat bozori talablari bilan yaqindan tanishtirish hamda muvaffaqiyatli kelajak faoliyatiga tayyorlashni maqsad qiladi.
Tadbirda Universitet rektori, professor Shuxrat Boymuradov, shuningdek, “Kelajakka qadam” dasturining mehmon vakillari va bitiruvchi talabalar ishtirok etmoqda. Professor Boymuradov o‘z nutqida yosh mutaxassislarni zamonaviy tibbiyotning global o‘zgarishlari, innovatsion yondashuvlar va sog‘liqni saqlash tizimidagi yangi imkoniyatlar bilan tanishib borishga chaqirdi.
Seminar-trening davomida dastur vakillari tomonidan talabalarga kasbiy yo‘nalish, mehnat bozori tendensiyalari, rezyume tayyorlash va ishga joylashish strategiyalari bo‘yicha amaliy maslahatlar berilmoqda. Shuningdek, yoshlar o‘z qiziqtirgan savollariga mutaxassislardan bevosita javob olish imkoniga ega bo‘lishmoqda.
✅Rasmiy sahifalarimiz:
Telegram | Facebook | Instagram | YouTube | X | Linkedin
