Toshkent davlat tibbiyot universitetida “Sport — sog‘lom xalq, sog‘lom avlodning tayanch ustuni” shiori ostida sport bayrami bo‘lib o‘tdi
Bugun Toshkent davlat tibbiyot universitetining “Shifokor” sport majmuasida “Sport — sog‘lom xalq, sog‘lom avlodning tayanch ustuni” shiori ostida keng qamrovli sport bayrami o‘tkazildi.
Tadbirda Oliy ta’lim, fan va innovatsiyalar vazirligi, Sport vazirligi, Milliy olimpiya qo‘mitasi, respublika oliy ta’lim tashkilotlari vakillari, professor-o‘qituvchilar hamda talaba-yoshlar ishtirok etdi.
Sport bayrami doirasida bir qator ommaviy va ko‘rgazmali tadbirlar tashkil qilindi. Jumladan:
sportchilar paradi;
turli yo‘nalishlarda sport namoyishlari;
konsert dasturi;
12 ta sport turi bo‘yicha o‘tkaziladigan TDTU Talabalar sport ligasi musobaqalariga rasmiy start berildi.
Mazkur sport bayrami yoshlar o‘rtasida sog‘lom turmush tarzini keng targ‘ib qilish, jismoniy faollikni oshirish va universitetda sport infratuzilmasini yanada rivojlantirishga xizmat qiladi. Tadbir nafaqat sportchilar, balki barcha talaba-yoshlarni sog‘lom raqobat, tashabbuskorlik va jamoaviylik ruhida birlashtirdi.
Toshkent davlat tibbiyot universiteti bundan buyon ham sport va jismoniy tarbiyani qo‘llab-quvvatlash, talabalarning salomatligini mustahkamlash va sog‘lom avlodni tarbiyalashga qaratilgan tashabbuslarni izchil davom ettiradi.
✅Rasmiy sahifalarimiz:
Telegram | Facebook | Instagram | YouTube | X | LinkedIn
