Паўсотні яскравых танцавальных нумароў, сем соцен танцораў і цэлы зоркапад падарункаў – такая “статыстыка” абласнога конкурсу танцавальных калектываў “Скокі ва ўсе бокі”, які прайшоў у Смаргоні.
Гонар Смаргонскага раёна адстойвалі шэсць танцавальных калектываў, у тым ліку два ўзорныя. Важкіх узнагародаў конкурсу ў намінацыі “Народны танец” былі ўдастоены нашы артысты. Дыплом за пераемнасць народных традыцый і ўвасабленне нацыянальнага каларыту атрымаў узорны фальклорны гурт “Нальшчаначка” Жодзішкаўскай сярэдняй школы. Дыплом ІІ ступені журы прысудзіла дзіцячаму танцавальнаму калектыву “Краіна сяброў” СШ№5 (узроставая катэгорыя – да 14 гадоў).
Дыплом І ступені (дарослая ўзроставая катэгорыя) на рахунку аматарскага танцавальнага калектыву Жодзішкаўскага ДК.
Больш здымкаў глядзіце па спасылцы.
Галіна АНТОНАВА
Фота аўтара