Рәсәйҙең 23 ҡалаһы, шулай уҡ Ирандың ғилми үҙәктәре һәм юғары уҡыу йорттары вәкилдәре «Инновациялы технологияларҙың, материалдарҙың һәм ғөмүмән технологияларҙың фундаменталь аспекттары» Бөтә Рәсәй фәнни-ғәмәли конференцияһында ҡатнаша. Конференция 19-21 ноябрҙә Евразия ғилми-белем биреү үҙәгенең вуз-ара студенттар кампусында Өфө дәүләт нефть техник университетының Водород-углеродлы технологиялар үҙәгенең углерод технологиялары һәм спектроскопия лабораторияһында үтә. - Беҙҙең конференция наноматериалдар, дөйөм алғанда, материалдар һәм мәғлүмәт технологияларын берләштереүе менән үҙенсәлекле. Улар барыһы ла матдә менән энергияны үҙгәртеүгә йүнәлтелгән. Беҙ фундаменталь мәсьәләләрҙе ҡараясаҡбыҙ. Тәжрибә уртаҡлашыу төп маҡсат булып тора, сөнки әле тар махсуслашыу быуаты һәм йыш ҡына белгестәр ҡатнаш өлкәләрҙе белмәй, ә конференцияла фәндең бөтә тармаҡтары панорамаһын күрергә мөмкин, - тип билдәләне Рәсәй Тәбиғи фәндәр академияһы академигы, Өфө дәүләт нефть техник университетының «Нефть һәм