Ռուսաստանից Վրաստան արևածաղկի ձեթ տեղափոխող Midvolga-2 տանկերը հարձակման է ենթարկվել Սև ծովում, հայտնում է «Ինտերֆաքս»-ը՝ հղում անելով Թուրքիայի տրանսպորտի և ենթակառուցվածքների նախարարությանը։
Նավի անձնակազմը հայտնել է, որ հարձակման է ենթարկվել թուրքական ափից 128 կմ հեռավորության վրա։ Նախարարության տվյալներով՝ անձնակազմի բոլոր 13 անդամները չեն տուժել։ Նավը շարժվում է դեպի Սինոպ։
Նոյեմբերի 28-ին Սև ծովում հրդեհ էր բռնկվել Kairos և Virat տանկերների վրա, որոնք Գամբիայի դրոշի ներքո Նովոռոսիյսկ էին ուղևորվում։ Թուրքիայի տրանսպորտի և ենթակառուցվածքների նախարար Աբդուլքադիր Ուրալօղլուն հայտարարել էր, որ նավերի վրա հրդեհն սկսվել էր պայթյուններից հետո, և հրդեհը վերագրել էր արտաքին ուժի։ Նա նաև հայտարարել էր, որ տանկերները կարող էին հարվածվել ականներից կամ մակերևութային անօդաչու թռչող սարքերից կամ հրթիռներից, և որ Virat տանկերները նոյեմբերի 29-ին կրկին հարձակման էին ենթարկվել անօդաչու թռչող սարքի կողմից։
Թուրքիայի նախագահ Ռեջեփ Թայիփ Էրդողանը դեկտեմբերի 1-ին հայտարարել էր, որ Անկարան մտահոգված է Սև ծովում երկու տանկերի հետ կապված միջադեպերով և որ «անհրաժեշտ նախազգուշացումներ» են ուղարկվել իրավիճակին ներգրավված բոլոր կողմերին։
Նորություններին հետևեք մեր կայքում, ինչպես նաև Telegram-ում և YouTube-ում