Çӗнӗ Упи ялӗнчи Культура çуртӗнче волонтерсен ӗçӗ пӗр кунлăха та чарăнмасть
Кӗркунне. Ăмăр çанталăк. Урамра иртенпе лӳшкесе çумӑр çӑвать. «Паян сетка çыхма килеймеççӗ пуль», – тенӗ вăхăтра зонтик йăтнă хӗрарăмсем курăна пуçларӗç. Пӗрин хыççăн тепри утаççӗ Çӗнӗ Упинчи Культура çурчӗ еннелле.
– Вӑрçӑра тӑхлан çусан та пирӗн сыхлӑхшӑн тӑраççӗ, – терӗ Ирина. – Кунта çумӑр çунипе каяс мар тетпӗр. Зонтик тытатăп та каятӑп терӗм кӳрше.
– Çумăр çусан та, пăр çусан та килетпӗр. Пуçăннă ырӑ ӗçе малалла тăсмаллах, – терӗ тепри.
– Килте алӑ усса лариччен кунта çынпа пӗрле ӗçлени усăллăрах, – терӗ виççӗмӗшӗ.
– Кашни ирпе ӗçе кайнӑ пекех утатпӑр. Укçа та тӳлеççӗ пуль сире тесе ыйтакансем те пур, – пӑшӑрханса калаçрӗç хӗрарăмсем.
– Укçашӑн кӑна çыхмалла-ши? Тӗнче хӑрушсӑрлӑхра тӑнӑ чухне пурин те
