Сәламәтлегегезне саклагыз: табиб киңәшләре

Шикәр диабеты - хроник авыру, аның барышы авыручының үзенең дәвалануда катнашуына бәйле. Әгәр пациент үз халәте белән ничек идарә итәргә икәнен аңласа, ул тулы, актив һәм бәхетле тормыш белән яшәячәк.

Менә табибның киңәшләре, алар диабет белән тулы канлы яшәргә ярдәм итәчәк:

1. Туклану - сезнең төп ярдәмчегез

Шикәр диабеты вакытында инсулинның тәэсире бозыла, шуңа күрә ул «тиз углеводлар» куллансаң яки күп углеводлар ашасаң, кандагы шикәрне нормада тотарга өлгерми. Татлы эчемлек, бал һәм ак икмәк кулланмаска тырышыгыз. Акрын углеводлар: бәрәңге, ярмалар, тулы бөртекле икмәк, җиләк-җимеш һәм сыек сөт продуктларын бер ашауга уртача гына кертергә. Мәсәлән, әгәр сез ботка яки бәрәңге ашагансыз икән, бу вакытта ипи ашамаска; җиләк-җимешне бер тапкыр 100-150 граммнан да артык ашамаска; сөт продуктларын (сөт, кефир яки ряженка) эчү сыйфатында кулланмаска - бу тулы кыйммәтле туклану ризыклары, аларны ашау сыйфатында кулланырга мөмкин.

Көн буе бер вакытта ашарга тырышыгыз. Иртәнге аш, төшке аш һәм кичке аш. Әгәр ашау арасында ашыйсы килә икән, тыелып торыгыз, су эчегез яки бу очракта бер стакан сөт яки кефир эчәргә мөмкин.

Һәр ризыкка клетчаткага бай ризыклар кертергә тырышыгыз, бу бәрәңгедән тыш, яшелчәләр һәм аксымга бай ризыклар - ит, балык, эремчек яки йомырка. Клетчатка һәм аксым тук булу хисе бирә һәм углеводларны сеңдерүне акрынайта.

2. Физик активлык - ул алыштыргысыз һәм мөһим

Хәрәкәт - күзәнәкләрнең инсулинга сизгерлеген арттыра торган табигый дару ул.

Күңелегезгә хуш килгәнне сайлагыз: тиз атлап йөрү (атнага 3 тапкырдан да ким булмаган 30 минут), йөзү, велосипедта йөрү, йога, бию.

Тренировкалар башланыр алдыннан канның шикәр күләмен үлчәү яхшы. Әгәр ул 5 ммоль/л дан түбәнрәк яки 13 ммоль /л дан югарырак булса, физик йөкләнешне кичектерү яхшырак. Гипогликемия очрагында һәрвакыт үзегез белән тиз углеводлар (200мл сок, уртача зурлыктагы 2-3 кәнфит яки коровка тибындагы 2 кәнфит) йөртегез.

3. Кандагы шикәрнең үзконтроле - шикәр диабетын күзәтүдә мөһим компонент

Кандагы шикәрне ач карынга гына түгел, көн дәвамында да үлчәү мөһим.

Шикәрне атнага кимендә 1 тапкыр ач карынга, иртәнге аш алдыннан, кичке аш алдыннан һәм йоклар алдыннан яки табиб киңәш иткәнчә үлчәгез. Шикәр күрсәткечләрен язып барыгыз һәм эндокринологка шул язмалар белән килегез.

4. Медикаментоз терапия - катгый кагыйдәләр буенча

Әгәр сезгә табиб шикәрне киметүче дарулар яки инсулин билгеләгән икән, аларны киңәшләр нигезендә кабул итегез. Препаратларның дозасы мөстәкыйль үзгәргән очракта, якын арада табибка мөрәҗәгать итәргә тырышыгыз. Һәрвакыт дарулар һәм кертү чаралары (шприц-ручкалар, энәләр) запасы булсын.

5. Табибка даими визитлар - һичшиксез!

Әгәр дә сез үзегезне яхшы хис итәсез һәм шикәр нормада булса да, эндокринологка елына 2 тапкырдан да сирәгрәк бармагыз. Табиб диабет компенсациясен генә түгел, гемоглобин дәрәҗәсен, йөрәк-кан тамырлары системасын, кан басымын, бөерләр фукциясен, күзләрнең торышын тикшерергә дә тиеш.

6. Аяклар һәм тире турында кайгырту - көндәлек ритуал

Көн саен аяк табаннарын яраларга, кызаруларга карагыз. Аякларыгызны, бигрәк тә бармак араларын җылы су белән юыгыз, яхшылап сөртегез. Уңайлы, кысмый торган аяк киеме киегез. Корылык һәм ярылулар булмасын өчен тирегезне дымлатып торыгыз.

7. Стресс-менеджмент һәм сәламәт йокы

Стресс кандагы шикәр күләмен арттыра. Саф һавада йөрү, хобби, медитация белән шөгыльләнегез, якыннарыгыз белән аралашыгыз. Тәүлегенә 7-8 сәгать йокларга тырышыгыз.

Исегездә тотыгыз: сез-сәламәтлегегез белән идарә итү процессында төп катнашучы. Табиб белән командада эш итеп, сез катлауланулар куркынычын минимумга җиткерә һәм чикләүләрсез яши алачаксыз.

Әлеге киңәшләр гомуми мәгълүмати характерда була һәм дәвалаучы табиб консультациясен алмаштырмый. Дәвалауның индивидуаль схемасы һәм рекомендацияләр аерылырга мөмкин. Һәрвакыт табибыгыз кушканнарын үтәгез.