Бәләләрҙән ҡотҡарыр, һаҡлар, ауырлыҡтарҙан сығыу юлын күрһәтер

Донъялағы бар афәттәрҙән ҡотолоу, сирҙәрҙән шифаланыу, ауырлыҡ һәм ҡыйынлыҡтарҙан сығыу юлын табыу, һәр төрлө яманлыҡтан (яуыз кешеләр һәм ендәрҙең зарарынан, сихырҙан, күҙ тейеүҙән, ауырыуҙан) һаҡланыу өсөн түбәндәге доғаны уҡып йөрөгөҙ. Ул "Саләти-мүнджиә" тип атала, ҡотҡарыусы тигән мәғәнәгә эйә. "Аллааһүмә салли ғәләә сәйидинәә Мүхәммәдин үә ғәләә әәли сәйидинәә Мүхәммәд саләәтән түнджиинәә биһәә мин джәмиғил-әһүәәли үәл-әәфәәт. Үә тәҡды ләнәә биһәә джәмииғәл-хааджәәт. Үә түтаһһирүнәә биһәә мин джәмиғыс-сәйиәәт үә тәрфәғүнәә биһәә ғындәкә әғләд-дәраджәәт. Үә түбәллиғүнәә биһәә әксал-ғаайәәт. Мин джәмиғыл-хайрати фил-хайәти үә бәғдәл-мәмәәт. Иннәкә ғаләә күлли шәй иң ҡадиир". Мәғәнәһе: "Эй, Раббым! Пәйғәмбәребеҙ Мөхәммәт ғәләйһис-сәләмгә һәм уның нәҫеленә шундай мәрхәмәттәр буләк ит, шуның менән беҙҙе барса ҡурҡыу, дәһшәт һәм афәттәрҙән ҡотҡарсы! Барса ихтыяждарыбыҙҙы ҡәнәғәтләндерсе! Барса гонаһтарҙан арындырсы! Үҙ яныңдағы иң юғары дәрәжәгә күтәрсе! Йәшәүебеҙҙә лә, үлемебеҙҙә лә бөтә изгелектәрҙең иң ҙур дәүмәлдәренә өлгәштерсе! Һинең ысынында һәр нәмәгә көсөң, ҡөҙрәтең етә!" Айрат Нурмөхәмәтов фотоһы. Беҙҙең МАХ каналына ҡушылығыҙ: https://max.ru/gazetabashkortostan