Тошкент шаҳрида йирик профессионал бокс оқшоми ташкил этилди
Турнирнинг асосий жанги ярим ўрта вазн тоифасида ташкил этилди. Унда чарм қўлқоп устамиз Шаҳрам Ғиёсов россиялик Марк Урвановга қарши рингга кўтарилди.
8 раундлик баҳс тўртинчи раундда муддатидан аввал ниҳоясига етди. Ғиёсов рақибини техник нокаут орқали таслим этди.
Оқшомнинг co-main event, яъни аҳамияти жиҳатидан иккинчи жанги супероғир вазнда ўтказилди. Рингда мағлубият ва муроса нималигини билмай келаётган боксчилар Баҳодир Жалолов ҳамда нигериялик Соломон Адебайо ўзаро тўқнаш келди.
8 раунддан иборат жангнинг 4-раундида Жалолов рақибини нокаутга учратди.
Шу тариқа, Баҳодир профессионал боксдаги 17-жангини ўтказиб, 17-ғалабасига эришди.
Бокс оқшомига икки бокс афсонаси, мутлақ жаҳон чемпионлари Александр Усик ва Теренс Кроуфорд меҳмон сифатида таклиф этилди. Уларга ўзбек дўпписи совға қилинди.
Каналимизга обуна бўлинг ва энг сўнгги янгиликларни кузатиб боринг
Jizzaxnews |Тelegram | Facebook | Dzen | YouTubе
