Билдәле булыуынса, Ҡыш бабайҙың поезы 19 ноябрҙә Владивостоктан ҡуҙғалып китәсәк һәм Бөйөк Устюгта 11 ғинуарҙа буласаҡ. Ул бөтәһе 20 меңдән ашыу километр юл үтәсәк, киң илебеҙҙең 70-ләгән ҡалаһы аша уҙасаҡ. Ә Башҡортостанда әкиәти поезд ике тапҡыр туҡтай – Өфө һәм Стәрлетамаҡ ҡалаларында. Өфөләр Ҡыш бабайҙың поезы менән 14 декабрҙә "Өфө тимер юлы" вокзалында осраша ала, иртәнге 11-ҙән киске 17.05 сәғәткә хәтлем төрлө саралар үтәсәк, бай программа ҡаралған. Стәрлетамаҡҡа был поезд 15 декабрҙә барып етә. Әйткәндәй, билеттарҙы алдан һатып алырға кәрәк, юғиһә етмәүе ихтимал. Фото: "Рәсәй тимер юлдары" йәмғиәте.