🌸120 год таму нарадзіўся гродзенскі паэт, рэвалюцыянер, партызан і нават палітвязень, імем якога названа вуліца ў 🦌 Гродне
14 лістапада 1905 года ў вёсцы Баброўня (сёння 🦬 Гродзенскі раён) нарадзіўся беларускі паэт Міхась Васілёк (сапр. Міхаіл Касцевіч)
Нарадзіўся ў сям'і лесніка, быў пляменнікам паэта Макара Краўцова.
Быў членам Беларускай сялянска-рабочай грамады, арганізоўваў гурткі Таварыства беларускай школы. За ўдзел у руху польскія ўлады неаднаразова арыштоўвалі яго і змяшчалі ў турму. У 1939 годзе быў мабілізаваны ў польскае войска, трапіў у нямецкі палон, адкуль у жніўні 1941 года ўцёк і далучыўся да падпольнай барацьбы. Кіраваў Скідальскім антыфашысцкім падпольным камітэтам і выступаў пад псеўданімам Язэп Гром у партызанскім друку.
Дэбютаваў у друку ў 1926 годзе ў віленскіх выданнях. У савецкі час выдадзены кнігі «Выбраныя вершы» (1950), «Выбраныя творы» (1955), «Зоры над Нёманам» (1963) і «Вершы» (1973).
Памёр у Гродне 3 верасня 1960 года, пахаваны на праваслаўных могілках горада.
У Гродне ў яго гонар названа вуліца, на якой знаходзіўся яго дом.
Гэй вы, хлопцы маладыя!
Ці ж не можам быць мы з вамі
Свайго шчасця кавалямі?
— Можам! Будзем!
Сонца ззянне
Ярка стрэне напрадвесні
Наша першае спяванне.
І пальецца рэха песні,
Перамогшай сум і гора,
Вольнай хваляй па прасторах!
Чытайце таксама:
💪Василек вместо Чапаева. Как вам такое?
💪Рэканструкцыя па-гродзенскі: стогадовы дом на Васілька, 5 у цэнтры Гродна разабралі на цэглу
