Башҡортостанда арҙаҡлы ғалимдар ҡатнашлығында төрлө кимәлдәге саралар даими ойошторола. Мәҫәлән, бөгөн "Көнсығыш Европаның, Себерҙең һәм Төньяҡ-көнсығыш Азияның археология һәм этнотарихының проблемалары" тигән халыҡ-ара ғилми-ғәмәли конференция башланды. Сара Сергей Руденконың тыуыуына – 140 йыл һәм "Башкиры. Опыт этнологической монографии" тигән хеҙмәттең баҫылыуына 100 йыл тулыуға бағышлана. Ғалимдар телендәге Руденко уҡыуҙарының тәүге көнөндә ғалимдар Өфө ҡалаһының Евразия фәнни-белем үҙәгендә йыйылды. Мәртәбәле конференцияны Башҡортостан ғилми-етештереү үҙәге һәм мәҙәни ҡомартҡылар күсмә объекттарын һаҡлау һәм файҙаланыу идаралығы начальнигы Данир Ғәйнуллин асып, былай тине: – Сергей Руденко, Рәсәй һәм совет археологы, антропологы, этнологы һәм гидрологы, ғалим булараҡ сит тарафтарҙа киң билдәле. Өҫтәүенә, Рус географик йәмғиәтенең ғәмәлдәге ағзаһы булыуы күпте һөйләй. Ул 1906 – 1930 йылдар арауығында 14 тапҡыр экспедицияға сыҡҡан һәм 10 меңдән ашыу экспонат йыйған. Эҙәрмән һәм тын