ФОТОВИДЕОФАКТ
Бүгүн Саха Өрөспүүбүлүкэтин уонна Российскай Федерация биллиилээх судаарыстыбаннай, бэлитиичэскэй уонна уопсастыбаннай диэйэтэлэ, Бастакы бэрэсидьиэммит Михаил Николаев төрөөбүт күнэ. Сүдү киһибит олорон ааспыт олоҕо, үлэтэ-хамнаһа сыллар аастахтарын аайы өссө дириҥээн, суолтата кэҥээн, өйдөбүлэ улаатан иһэр.
Покровскайга дьон-сэргэ ытык киһибитигэр сүгүрүйэн Михаил Николаев пааматынньыгар сибэкки дьөрбөтүн уурдулар, ахтан-санаан аастылар. Салгыы Оҕо ускуустубатын оскуолатыгар «Уруйдуубут-айхаллыыбыт Бастакы Президеммытын» үгэскэ кубулуйбут педагогическай ааҕыылар “Музыка барыбытыгар” уонна “Бары уруһуйдуубут” бырайыактарынан тэрилиннэ.
Саха Өрөспүүбүлүкэтин Бастакы Бэрэсидьиэнигэр, Аан Дархан Михаил Николаевка аналлаах дэкээдэ иһинэн улууспут бары нэһилиэктэригэр араас хабааннаах киэҥ тэрээһиннэр буола тураллар.
Уйбаан УЙГУУРАП,
ааптар видеоҕа устуута уонна хаартыскаҕа түһэриитэ.
В этом посте есть большое видео, которое не загрузилось в Дзен. Откройте оригинал поста в телеграме, чтобы его посмотреть
