🔺Toshkent davlat tibbiyot universiteti Ichki kasalliklar, nefrologiya va gemodializ kafedrasi xodimlari va universitet Akademik litsey va texnikumlarga metodik yordam ko’rsatish bo’limi xodimlari Toshkent shahar Sergeli Abu Ali Ibn Sino nomidagi Jamoat salomatligi texnikumiga tashrif buyurishdi. Kafedra xodimlari texnikum moddiy texnik bazalari, o’quv uslubiy ishlari bilan tanishdi, hamda o’qituvchilar va o’quvchilar bilan suxbatlar olib borildi.
🔺Tashrif davomida yosh tibbiyot xodimlari bilan kafedra dotsentlari Muminov D.K., Nigmonov B.B., assistentalari Yuldashova Y.X., Qosimova G.B. hamda Jo’raboyev D.D.lar tibbiyotning muhim mavzusi Gipertoniya kasalligi va gipertonik kriz haqida davra suhbati o’tkazishdi.
🔺Tadbirdan ko’zlangan asosiy maqsad arterial gipertoniyaning patogenezini, etiologik omillarini va klinik ko‘rinishlarini chuqur tahlil qilish hamda kasallikning rivojlanishiga olib keluvchi asosiy sabablardan — stress, noto‘g‘ri ovqatlanish, jismoniy faollikning yetishmasligi, irsiy omillar, zararli odatlar va atrof-muhit ta’sirlarini ilmiy jihatdan asoslab, ularning yurak-qon tomir tizimiga ta’sir mexanizmini batafsil tushuntirish edi.
🔺Shuningdek, u gipertoniyaning zamonaviy diagnostika usullari, qon bosimini nazorat qilish texnologiyalari, farmakologik va notibbiy davolash yondashuvlari haqida ma’lumot berdi. Ma’ruzada dunyo miqyosida olib borilayotgan klinik tadqiqotlarga murojaat qilib, ilg‘or mamlakatlardagi sog‘lomlashtirish dasturlarini tahlil qilishdi va ularni mahalliy sharoitda qo‘llash imkoniyatlarini muhokama qilishdi.
✅Rasmiy sahifalarimiz:
Telegram | Facebook | Instagram | YouTube | X | Linkedin
