Башҡортостан Башлығы Радий Хәбировтың быйылғы халыҡ менән туранан-тура аралашыуы дүрт сәғәттән ашыу барҙы. Һәр ваҡыттағыса һорауҙар күп булды. Эфирҙа яңғырағандары шунда уҡ аныҡ яуаптар алды, ә ҡалғандары хәл ителәсәк. Политолог, Башҡортостандың Йәмәғәт палатаһы ағзаһы Тимур Вәлитов студияла ҡатнашты һәм үҙенең һорауын бирә алды. Беҙҙең баҫмаға ул тәьҫораттары менән уртаҡлашты. – Башҡортостан Башлығы менән тура бәйләнеш етенсе тапҡыр ойошторолдо. Радий Хәбиров һәр йылдағыса барлыҡ һорауҙарға, хатта ҡатмарлы, уңайһыҙҙарына ла асыҡ яуап биреп, үҙен ышаныслы етәксе итеп күрһәтте. Әйтәйек, Салауат Юлаев һәйкәленә бәйле һорау күтәрелде. Төбәк етәксеһе монументты реставрациялау сәбәптәре һәм этаптары менән таныштырҙы. Ә иң мөһиме – тура линия барышында Өфөнөң ҙур цехында башланған күләмле эштәр күрһәтелде. Республика Башлығының халыҡ менән асыҡ диалог форматы — ул ышаныслы мөнәсәбәт кенә түгел, ә кешеләрҙең йәшәү сифатын яҡшыртыуға йүнәлтелгән бик мөһим мәсьәләләрҙе тиҙ арала хәл итеү. Реаль