Кисә Башҡортостан Башлығы Радий Хәбиров етенсе тапҡыр республика халҡы менән тура бәйләнеш үткәрҙе. Унда күтәрелгән мөһим темаларҙың береһе иҡтисади торошобоҙға бәйле ине. Радий Фәрит улы әйтеүенсә, булған бөтә ауырлыҡтарға ҡарамай Башҡортостан эҙмә-эҙлекле алға табан хәрәкәт итә һәм күп йүнәлештәр буйынса ыңғай һөҙөмтәләр күрһәтә. Иҡтисад фәндәре докторы, Башҡортостандың атҡаҙанған иҡтисадсыһы, БР Дәүләт Йыйылышы – Ҡоролтай депутаты Рөстәм Ахунов республиканың иҡтисади хәле һәм кисәге сара тураһында түбәндәгеләрҙе һөйләне. – Башҡортостан Башлығының ғәмәлдәге хәлгә тейешле баһа биреүен билдәләргә теләйем. Ә әлеге хәл иҡтисади үҫеш темптарының әкренәйеүендә сағылған билдәле бер ҡатмарлыҡтар менән оҙатыла. Атап әйткәндә, һүҙ сәнәғәт производствоһын ҡыҫҡартыу хаҡында бара. Радий Хәбиров, әгәр алдағы йылдар ярайһы уҡ йылдам сәнәғәт үҫеше менән оҙатылһа, быйыл, бәлки, бер аҙ түбәнәйеү менән тамамланыр, тип билдәләне. Көнбайыш санкциялары, макроиҡтисади ҡатмарлыҡтар, юғары инфляция фонында с