В ответ на пост
Галина Казанцева керәшенем дип җан атып яши 😍
Опера җырчысы, Татарстанның халык артисты Галина Казанцева бүген, 12 ноябрьдә, туган көнен билгеләп уза 🎁💐
🏡Галина АлександровнаТукай районы Маҗын авылында дөньяга килә. Әтисе Галинаны бер эштән дә курыкмаска, нык булырга өйрәтә. Әнисе исә керәшен җыруларына мәхәббәт уята.
🎤Галина Александровна 5 яшьтән җырлый башлый. 10 сыйныфны бетергәндә үзенең тормышын җыр белән бәйләргә карар кыла һәм Әлмәт музыка училещесына юл тота. 1969 елның 01 сентябреннән 1973 елның 01 июленә кадәр Әлмәт шәһәренең ТАССР Әлмәт музыка училищесында белем ала. Чыгарылыш имтиханнарына Казан дәүләт консерваториясеннән госкомиссия килә һәм барлык студентлар арасыннан нәкъ Галина Александровнага әлеге уку йортына укырга керү өчен юллама тапшыралар.
🎶1973 елның 01 июленнән 1978 елның 1 июленә кадәр Казан дәүләт консерваториясендә белем ала. 1978 елның 15 апрелендә Муса Җәлил исемендәге Татар дәүләт академия опера һәм балет театры солисты итеп билгеләнә.
20 ел дәвамында Галина Казанцева М.Җәлил исемендәге Татар дәүләт академия опера һәм балет театры солисткасы булды.
❤️Галина Александровна керәшеннәрнең онытылып барган җыруларын, биюләрен, йолаларын һәм гадәтләрен саклап калуны максат итеп куя.
1990 елларда «Айбагыр» халык фольклор ансамбле оеша. Галина Александровна Казанцева ансамбльнең алыштыргысыз җитәкчесе.
— «Айбагыр» — безнең заманада мөмкин булган кадәренчә, керәшен культурасын күрсәтә торган коллектив. Бүгенге көндә ансамбль чын керәшенчә бормалар һәм керәшеннең үз сөйләме белән, югары дәрәҗәдә өйрәнгән җырларны башкара, йолаларга нигезләнгән фольклор спектакльләр куя. Соңгы елларда керәшен яшьләре сәхнәгә күп чыга башлады. Моңа республикакүләм бәйрәмнәр, шул ук Җөридәге Питраулар зур йогынты ясый. Бай культурабызга карата башка халыкларда уңай фикер тудыруда, үзара дуслыкны ныгытуда алар зур әһәмияткә ия. Керәшен җыруының тамырлары тирән, җырлаганда ул күкләргә менгәндәй тоела. Халык җыруының җаны зур, аның эче тулы байлык, гайрәт, — дип җиткерде җырчы Галина.
🙌2000 елның 25 декабрендә Галина Александровна Казанцевага Татарстан Республикасының Халык артисткасы исеме бирелә.
