Башҡортостан Башлығы ҡарамағындағы Дәүләт хеҙмәте һәм идара академияһы аудиториялары бина тултырып яңғыраған моңло тауыштарҙы ишеткәне булмағандыр. Ә бына кисә бында белем алғандарға, уҡытыусыларға, башҡа хеҙмәткәрҙәргә ундай мөмкинлек тәтене. Ни өсөн тигәндә, академияла Ш. Бабич исемендәге дәүләт республика йәштәр премияһына дәғүә итеүселәрҙең конкурс эштәре буйынса йәмәғәт фекер алышыуҙары үтте. Эштәре тиеү генә ҡоро ла яңғырайҙыр, сөнки бында ысын мәғәнәһендә ижади заттар йыйылғайны. Сараны академия ректоры вазифаһын башҡарыусы Азат Шамил улы Бадранов асты. Ул Ш. Бабич премияһының лауреаттарға артабан ижад итергә илһам биреүе тураһында әйтте, дәғүәселәргә уңыштар һәм фекер алышыуҙарҙың файҙалы, ҡыҙыҡлы үтеүен теләне. Мәртәбәле премияға дәғүә итеүселәр араһынан был көндө сәнғәт буйынса өс номинант үҙҙәренең ижады менән таныштырҙы. Земфира Рәшитова – “Башҡортостан” дәүләт концерт залы солист-вокалисы, “Хазина” этно-төркөмөн ойоштороусы, уға етәкселек итеүсе. Ш. Бабич премияһына ул баш