Туннэ шудо улонлы шумпотӥсь калык шудбурлэсь дунлыксэ мед валалоз вылэм. Угось сайкыт инбаммы, сиён-юонэн тырмем ӝӧквылмы, нылпиосмылэн жингрес серекъям куараоссы понна котькуд нунал кин ке тушмонлы пумит султэ.
Бурай ёросысь Алтау гуртысь библиотекаын таӵе малпанэн пыӵам «Детям о СВО» вераськон ужрад ортчиз. Гуртысьтызы библиотекарь М.Г. Гафутдинова нылпиосты гинэ ӧвӧл, вань мылкыд карисьёсты огинэ люказ. Ужрадэ вуэмъёс нимысьтыз военной операциен герӟаськем туала югдурлэсь мугъёссэ сэрттӥзы-пертчизы, СВО-ын геройлыко бырем ожгарчиосты тодазы ваизы.
Таӵе пумиськонъёс странамылэсь историзэ юнгес валаны, секыт ож вакытъёсы быремъёслэсь нимъёссэс данъяны дышето. Ӟеч улонмы понна улонзэс сётэм ожгарчиос котьку калыклэн сюлэмаз но йырвизьмаз мед улозы. Будӥсь нылпиосмы, соослэсь адӟем карыса, шонер сюрестӥ мед вамышъялозы.
Фото: Бураевский сельский клуб Бураевского района
