Хусан чӑвашӗсем диктант çырчӗç
Хусанти Туслӑх Çуртӗнче ноябрӗн 9-мӗшӗнче Нумай нациллӗ вырсарни шкулне çӳрекенсемпе пӗрле хула çыннисем те хӑйсен тӑван чӗлхисемпе диктант çырчӗç.
Чӑваш уйрӑмӗн ачисем те хӑйсен ашшӗ-амӑшӗсемпе, асламӑш-кукамӑшсемпе пӗрле килнӗ. Тутарстанри Чӑваш хӗрарӑмсен союзӗн пайташӗсем те юлман. Хавхалансах вӗсем те тӑван чӗлхепе хӑйсен пӗлӗвне тӗрӗслерӗç.
Диктант текстне Шупашкарти Чӑваш патшалӑх педагогика университетӗнчен ярса панӑ. Пӗтӗмпе икӗ текст – ачасем тата аслисем валли. Диктанта Чӑваш хӗрарӑмсен союзӗн активисчӗ, профессилле педагог-психолог Светлана Гордеева вуларӗ.
Калас пулать районсенчи Чӑваш наципе культура центрӗсенче те çак кун диктант çырчӗç. Чӑваш чӗлхине упрассинче ку кирлӗ те пӗлтерӗшлӗ акци.
Вера Гулякова сӑнӳкерчӗкӗсем.
