Үҙәктә инвалид балаларҙы килтергән машиналар өсөн урын етә!

Деструктив киң мәғлүмәт саралары “Салют” реабилитация үҙәге эргәһендәге парковка урындары менән проблемалар тураһында мәғлүмәт тарата. Ялыуҙар урын етмәү һәм уңайһыҙлыҡтарға ҡайтып ҡала. Ата-әсәләрҙең реабилитация үҙәге янында туҡталырға мөмкинлеге юҡ һәм улар балаларын ҡулдарында тиҫтәләрсә метр күтәреп йөрөргә мәжбүр, тип яҙалар.“Фактчекинг по-башкирски” телеграм-каналы хәлде аныҡланы. Үҙәк ҡунаҡтары өсөн биләмәлә бер нисә парковка зонаһы йыһазландырылған. Беренсе шлагбаум алдында 16 урынлыҡ тышҡы парковка урынлашҡан. Шлагбаумдар араһындағы төп ҡунаҡ зонаһы яҡынса 41 урын тәҡдим итә. Шулай уҡ икенсе шлагбаум артында яҡынса 16 урынлыҡ эске парковка бар. Ул стационарҙа йәшәүсе социаль хеҙмәттәр алыусылар өсөн тәғәйенләнгән. Үҙәк янында кәртәләнгән биләмәлә бөтәһе 73 машина урыны бар, ә ҡапҡа алдында тағы ла 10-дан ашыу автомобилгә иҫәпләнгән өҫтәмә асыҡ майҙансыҡ урынлашҡан. Биләмәгә инеү урындар бушаған һайын ойошторола. Бындай регламент, үҙәктең административ-хужалыҡ эштәре буйынса директор урынбаҫары Эдуард Ғизетдинов һүҙҙәренсә, хәүефһеҙлек паспорты менән бәйле һәм был – комплекс биләмәһендә балаларҙың именлеген тәьмин итеү һәм тәртип һаҡлау өсөн кәрәкле сара. Үҙәк асфальт майҙансыҡтарҙы киңәйтеү урынына төҙөкләндереү файҙаһына һайлау яһай. Территорияның күпселек өлөшө спорт һәм уйын зоналары, йәйәү йөрөү өсөн майҙансыҡтар һәм йәшеллектәр өсөн бүленгән, был реабилитация өсөн тыныс һәм сәләмәт мөхит булдыра. Үҙәккә килеүсе бер баланың әсәһе парковка менән проблемалар кисермәүе хаҡында һөйләне. Урындар һәр ваҡыт бар. Бынан тыш, аҙ хәрәкәтсән ҡунаҡтарҙың уңайлылығын тәьмин итеү өсөн хеҙмәткәрҙәрҙең дежурлығы ойошторолған, улар бинаға инеүгә оҙатыуҙа ярҙам итә. Ә 1 сентябрҙән бушлай автобус маршруты эшләй башланы, ул көнөнә биш тапҡыр “Өфө радиоэлектроника, телекоммуникациялар һәм хәүефһеҙлек колледжы” туҡталышынан туранан-тура үҙәк ҡапҡаһына тиклем йөрөй. Әлеге графикты үҙәктең сайтында һәм социаль селтәрҙәрендә табырға мөмкин. Башҡортостандың ҡайһы бер яңылыҡтар телеграм-каналдарында Өфөлә маршрутка водителе оло йәштәге ҡатын менән ҡаты мөғәмәлә иткән тигән хәбәр тарала. Пенсионер ҡатын бушлай йөрөргә теләй, әммә водитель быға ҡаршы була һәм уны көс менән транспорттан этеп сығара. Постҡа шулай уҡ видеояҙма өҫтәлгән. Әммә был хәлдең республикабыҙҙың баш ҡалаһына бер ниндәй ҙә ҡағылышы юҡ. Күңелһеҙ осраҡ Тамбовта була, тип яҙа “Лента.ру”. Был ролик башҡа ҡалаларҙың, шул иҫәптән Өфөнөң пабликтарында ла таралып өлгөрҙө. Өҫтәүенә яңылыҡтың ысынлығын үҙ аллы тикшерергә мөмкин. Беренсенән, Өфөлә маршруттарҙа беҙ роликта күргән пазиктар юҡ. Икенсенән, Гагарин урамы буйлап (пост авторы раҫлауынса) 3-сө маршрут йөрөмәй. Уяу булығыҙ һәм үҙегеҙҙе алдарға бирмәгеҙ! Паблик авторҙарына улар баҫтырып сығарған мәғлүмәтте тикшерергә кәңәш итәбеҙ. Литваға ҡасҡан сит ил агенты ядро ҡоралын һынау тураһында ялған мәғлүмәт тарата. Властар һынауҙар тураһында иҫкәрткән имеш рәсми хатты баҫтырып сығара, халыҡҡа нисек эш итергә кәрәклеге тураһында инструкция бирә. Радикал был "Рәсәй Федерацияһы Оборона министрлығының Стратегик коммуникациялар буйынса Баш идаралығы менән берлектә Граждандар оборонаһы һәм стратегик хәүефһеҙлек федераль агентлығының (ФАГОСБ) мәғлүмәт бюллетене" тип билдәләй. Ыңел ышаныусан кешеләр бындай “етди” хатҡа ышана ала. Әммә беҙҙә бындай структуралар юҡ тип әйтергә ашығабыҙ. Мәғлүмәт – ялған! Өҫтәүенә, Рәсәй 1990 йылдан алып ядро һынауҙарын үткәрмәй. Был һәм ядро һынауҙары тураһында башҡа ҡыҙыҡһындырған мәғлүмәтте рәсми сығанаҡтарҙан белергә мөмкин. Был ҡасҡан экстремистарҙың Украинаның махсус хеҙмәттәре өсөн эшләүен раҫлаусы тағы бер дәлил.