Бу пазлларның төп характеристикаларының берсе. Алар баланың предметны, картинаны алдан күрмичә, күз алдына китерергә өйрәнүенә ярдәм итә. Шул рәвешле, баланың фантазиясе үсә, ул нәрсәдер уйлап чыгарырга яки хәзерге вакытта аның каршында булмаган әйберләрне күз алдына китерергә сәләтле. «Каенкай» балалар бакчасының әзерлек төркеме балалары пазлларны җыярга бик яраталар, аларны өстәлгә генә түгел, келәмгә дә тезеп куялар. Кайвакыт балалар хәтта үзара ярышлар оештыралар - кем пазлларны тизрәк җыя. Барысы да бик тырыша, детальләрне җыю процессында балалар бик игътибар белән әлеге шөгыльгә бирелә. Ә дуслык һәрвакыттагыча җиңүгә китерә. Бу уен белән кызлар да, малайлар да мавыга. Мондый чаралар балаларның шәхес үзенчәлекләрен үстерүгә ярдәм итә, мәктәпкәчә яшьтәге балаларның әйләнә-тирә чынбарлык турында белемнәрен киңәйтә, логик фикерләү, фикер йөртә белү, башланган эшне ахырына кадәр җиткерә белүне формалаштыра.