Һеҙгә үҙ хәлемде һөйләйем әле. Ҡыҙым 19 йәшендә генә кейәүгә сығып, бер бала менән айырылды. Ире ҡул күтәрҙе. Әлеге көндә 5 йәшлек ҡыҙы бар. Ҡыҙым район үҙәгендә йәшәй, дауаханала шәфҡәт туташы булып эшләп йөрөй. Атаһы менән тырышып аҡса йыйып, бәләкәй булһа ла фатир һатып алып бирҙек. Үҙе лә тырыша, беҙ ҙә ярҙам итәбеҙ. Ейәнсәребеҙҙе лә бергәләп үҫтереп киләбеҙ, әммә ҡыҙым баланы баштан үҙе ҡарау яҡлы булды. Фатирлы булыу менән эргәһенә алып, балалар баҡсаһына бирҙе. Бына бер йыл самаһы ҡыҙыбыҙ бер егет менән аралаша. Ул бығаса өйләнмәгән. Был егеткә 28 йәш. Аралары матур ғына ине. Ошоғаса беҙгә лә килеп йөрөнө. Уҡыған, Өфөлә яҡшы ғына эш хаҡы алып эшләй. Өйләнешергә уйлайбыҙ тигәстәр, ныҡ ҡыуандыҡ. Яҡшы кеше тип, ризалығыбыҙҙы бирҙек. Һәр кем балаһының бәхетле, парлы булып йәшәүен теләй бит. Тик... Бер ауыр мәсьәлә килеп сыҡты: буласаҡ кейәү ҡыҙымдың балаһын үҙ янына алырға теләмәүен әйткән. Ҡыҙым, әлбиттә, быға риза булмаған. Аралары бер аҙ боҙолоп тора. “Өйләнешеп, бер-беребеҙгә