Башҡортостандың Ғәҙәттән тыш хәлдәр министрлығы насар һауа торошо тураһында иҫкәртә. Ведомство мәғлүмәте буйынса, 20 ноябрҙә төбәктә урыны менән боҙло ямғыр яуа. Шулай уҡ ағас ботаҡтарына, сымдарға еүеш ҡар ятыуы, юлдарҙы боҙлауыҡ ҡаплауы ихтимал. Төндә республиканың төньяғында урыны менән епшек ҡар яуа, көньяҡ өлөшөндә ямғыр, епшек ҡар. Көндөҙ урыны менән ҡар ҡатыш ямғыр. Көньяҡ- көнбайыштан, көнбайыштан иҫкән ел төндә төньяҡ-көнбайыш йүнәлешен ала, секундына 8-13 метр тиҙлектә, көндөҙ - 5-10 метрғ. Һауа температураһы төндә 0...-5, көньяҡҡа табан +5-кә тиклем, көндөҙ -1...+4 градус, көньяҡ-көнсығышҡа табан +9 градус. Төндә һәм таңда яуы-төшөм мәлендә юлдарҙың айырым өлөшөндә күреүсәнлек насарая (500-1000 метрға тиклем). Юлдарҙа һаҡ булығыҙ, тип иҫкәртә ҡотҡарыусылар. Гөлгөнә Мозафарова фотоһы. Беҙҙең МАХ каналына https://max.ru/gazetabashkortostan ҡушылығыҙ!