Бөгөн Башҡортостандың Йәмәғәт палатаһында “Онкологик пациент фокуста” проектына ярашлы һөйләшеү булды. Сараның модераторы Рәсәй Һаулыҡ һаҡлау министрлығы ҡарамағындағы Йәмәғәт советы ағзаһы, “Ракка ҡаршы хәрәкәт” ойошмаһының Координация советы рәйесе урынбаҫары Галина Маргевич ине. Башҡортостандың һаулыҡ һаҡлау министрының беренсе урынбаҫары Гөлнара Зиннурова Башҡортостанда онкологик ярҙамдың ойошторолоуы тураһында һөйләне. Республиканың Һаулыҡ һаҡлау министрлығының штаттан тыш баш белгесе, Республика онкология диспансеры баш табибының медицина буйынса урынбаҫары Рөстәм Әйүпов, республиканың Һаулыҡ һаҡлау министрлығының шешкә ҡаршы дарыу терапияһы бүлеге етәксеһе Александр Солтанбаев, Республика онкология диспансеры баш табибы Адель Измайлов сығыштарында Башҡортостанда яман шеш менән ауырығандарға ярҙам тураһында бәйән итте. Автор фотолары.