#хушхабар
Жиззах политехника институти Осиёнинг энг яхши университетлари рейтингидан жой олди
4 ноябрь куни нуфузли QS Quacquarelli Symonds агентлиги томонидан эълон қилинган Осиёнинг энг яхши университетлари рейтинги — QS Quacquarelli Symonds Rankings 2026 рўйхатидан Ўзбекистоннинг 22 та олий таълим ташкилоти жой олди.
Шулардан 8 таси ўз ўрнини ўтган йилги натижаларга нисбатан яхшилаган.
Маълумот учун, мазкур рейтингда Осиёнинг 25 та мамлакат ва ҳудудидан 1500 дан ортиқ университетлар баҳоланган. Улардан 557 таси илк бор рўйхатга киритилган.
Жиззах политехника институти 1001-1100 ликка киритилди ва Ўзбекистонда ушбу рейтингга кирган 22 та олийгоҳнинг бири бўлди.
Рейтинг мезонлари илмий салоҳият, халқаро нуфуз, битирувчиларнинг бандлик даражаси, ўқув жараёнининг сифат кўрсаткичлари ҳамда халқаро ҳамкорлик фаолиятига асосланади.
Каналимизга обуна бўлинг ва энг сўнгги янгиликларни кузатиб боринг
Jizzaxnews |Тelegram | Facebook | Dzen | YouTubе
