Төбәк етәксеһе Рафаил Үзбәк улына күп йыллыҡ хеҙмәте өсөн рәхмәт белдерҙе. – Барлыҡ эш осороғоҙ ябай булмаған ваҡытҡа тура килде. Һеҙ һәр ваҡыт дөрөҫ позицияла инегеҙ, хоҡуҡ тәртибен һаҡлауҙа һәм беҙҙә йәшәгән халыҡтың именлеге һағында торҙоғоҙ, республика мәнфәғәттәрен яҡланығыҙ, - тине Радий Хәбиров. Сарала шулай уҡ Башҡортостан Хөкүмәте Премьер-министры Андрей Назаров, республиканың Дәүләт Йыйылышы – Ҡоролтай Рәйесе Константин Толкачев, төбәк буйынса эске эштәр министры урынбаҫарҙары Артур Сәйфуллин һәм Айҙар Зөбәйеров ҡатнашты. Улар ҙа Рафаил Үзбәк улының Башҡортостан үҫешенә тос өлөш индереүе тураһында әйтте. Рафаил Диваев үҙ сиратында республика буйынса Эске эштәр министрлығының ярҙамына һәм төбәктең идара итеү командаһы менән бергә эшләүҙең һөҙөмтәлелегенә юғары баһа бирҙе. - Тотош ғүмерем Ватанға хеҙмәт итеүгә арналды. Башҡортостан етәкселегенә хатта ауыр 1990 йылдарҙа ла туҡтамаған ҙур ярҙам өсөн рәхмәт. Республика личный составҡа ярҙам итте, транспорт, бәйләнеш саралары һәм б