✝🦌 Сёння, 3 лістапада, успамінаюць Святога Губерта — нябеснага заступніка Гродна. Некаторыя лічаць гэты дзень неафіцыйным святам горада
🦌 Але хто ж ён такі і адкуль узяўся яго легендарны алень?
Губерт, паводле паданняў, нарадзіўся каля 655 года ў Брабанце (сёння ў Нідэрландах). У маладосці ён быў вядомы сваёй любоўю да раскошы і палявання.
Аднойчы, у Страсную пятніцу, калі паляванне было забаронена, Губерт выехаў у лес. Доўгі час ён гнаўся за аленем, пакуль той не спыніўся — і паміж яго рагамі Губерт убачыў зіхатлівы крыж.
Паводле легенды, алень звярнуўся да яго словамі:
«Губерт, калі не звернешся да Бога і не пачнеш жыць святам жыццём, за грахі свае трапіш у пекла».
Гэты выпадак цалкам змяніў жыццё Губерта. Ён раздаў сваю маёмасць, жыў некаторы час пустэльнікам, а пасля стаў вучнем біскупа Ламберта і сам узначаліў Маастрыхцкую дыяцэзію.
З таго часу Губерт прысвяціў сябе місіянерскай дзейнасці, а таксама, паводле паданняў, меў дар лячыць людзей і жывёл дотыкам.
🤞 Пасля яго смерці культ Святога Губерта хутка распаўсюдзіўся па ўсёй Еўропе. Яго лічаць апекуном паляўнічых, леснікаў, спартоўцаў, гарбароў і нават матэматыкаў.
🦌 У Гродне 3 лістапада раней адзначалі свята Святога Губерта — ладзілі ўрачыстасці, некаторыя з якіх арганізоўвалі нават дзяржаўныя структуры.
