▶️ "Өфө уттары" тапшырыуы көн һайын, дүшәмбенән йомаға тиклем, 20 сәғәт 10 минутта эфирға сыға.
"Әгәр кәйефең төшһә, көлөп ал", — тиҙәр. Әл дә йылмайып-көлөргә сәбәптәр етерлек тормошта. Ә инде ҡыуанып-шатланырлыҡтары бихисап булмаһа ла, бар, тип һөйөнсө һалабыҙ! Өр-яңы китап сығыуы тураһында автор "Өфө уттары" тапшырыуы студияһында ентекле һөйләп бирҙе. Уның менән көҙгө кистә осрашып, ижад, хеҙмәт, йыр һәм әлбиттә, китаптың үҙе хаҡында рәхәтләнеп әңгәмә ҡорҙоҡ.
Харис Шәрипов – ул йырсы ғына түгел. Уның ижады, эше менән ҡыҙыҡһынғандар белә – Харис Мөбәрәк улы тик эстрада артисы ғына түгел, күптәндән алып башҡорт һәм татар ваҡытлы матбуғатында даими яҙышып килгән автор һәм хәҙер иһә рәсми рәүештә яҙыусы ла! Уның "Әйт, тиһәгеҙ, әйтәйем!" исемле тәүге йыйынтығы, ысын мәғәнәһендә, есеменә тура килеп тора. Тураһын төбәп әйткән юмористик хикәйәләр, комедиялы һүрәтләмәләр – уҡырлыҡ, рәхәтләнеп көлөп алырлыҡ һәм әлбиттә, ваҡ-төйәк һәм йәнгә тейгән мәшәҡәттәрҙән бынамын тигән итеп арындырырлыҡ әйберҙәр бар бында! Афарин, автор! Харис Шәриповтың хикәйәләре тиҙҙән шулай уҡ Башҡортостан "Китап" нәшриәтендә лә башҡа авторҙар менән берлектә йыйынтыҡта донъя күрәсәк. Иншалла, тип көтөп ҡалайыҡ. Әлегә – һеҙҙең иғтибарға осрашыу яҙмаһы.
▶️ Смотрите видео
--------------------------
Поделитесь Вашим мнением о событиях, происходящих в Уфе и Башкирии! Присоединяйтесь к нашему каналу Башкортостан 24 в Дзене!
Мы предлагаем Вам актуальные новостные сюжеты, а также свежие выпуски передач производимые холдингом ГТРК «Башкортостан».