Быйыл февраль айында үҙ теләге менән махсус хәрби операцияға юлланған “Шаһман”. Башта - штурмлаусылар батальонында, алған яраһы төҙәлгәндән һуң санитар водитель-механик вазифаһында хеҙмәт итә. Ҡаланың 8-се мәктәбендә, унан Иҫәнғолда слесарь-механик ремонтлаусы һөнәренә уҡып сыҡҡан егет Себер яҡтарында вахта менән монтажсы булып эшләгән. Аҡса эшләү уйы ла ҡыҙыҡһындырмай уны, илдә фашизм сәскә атмауын, дүрт йәшлек улының киләсәген уйлап, етди ҡарарға килгән. “Күптәр борсомаҫ өсөн яҡындарына башта өндәшмәй, комиссия үтеп, әйберҙәрен йыя башлағас ҡына әйтә”, - тип һүҙгә ҡушыла Фәнис Бикташев. “Шаһман” да әҙерләнеп бөткәс уларға үҙенең маҡсатын еткерә. Яуҙағы хәлдәр тураһында күп һөйләмәй егет, әммә шул урыҡ-һурыҡ әйткәндәренән дә ундағы хәлде күҙалларға була. Тиҫтәләгән илдең дрондарына ҡаршы тороп, алға бара беҙҙең ғәскәр. “Бер кешегә генә өсәр “тимер ҡош” тура киләлер. Кемдер заманса техника ҡулланып унан йәшеренә, кемдер атып төшөрә. Һуңғыһы - иң һөҙөмтәлеһе. Шуның өсөн һунар мылтығы