Ўзбекистон халқ артисти, Ўзбекистон театр арбоблари уюшмаси раиси Ёқуб Аҳмедов 87 ёшида вафот этди.
Ёқуб Аҳмедов 1938 йил 3 январда Наманган шаҳрида таваллуд топган. Тошкент Театр ва рассомчилик институти режиссёрлик факультетида таҳсил олган. 1958 йили Ўзбек Миллий академик драма театрига ишга қабул қилинади. 1993-2013 йиллар шу театрнинг директори сифатида фаолият кўрсатиб келди.
Ёқуб Ахмедов узоқ йиллар элликдан ортиқ спектаклларда асосий ролларни ўйнади. Дастлаб Уйғуннинг "Парвона” асари асосида сахналаштирилган спектаклда Муроджон образини ижро этди. "Алишер Навоий” спектаклида Алишер образи, И.Султоннинг "Абдулла Қодирийнинг ўтган кунлари” Юсуфбек хожи образини, Уйғуннинг "Зебуннисо”сида Шохжахон образини, В.Шекспирнинг "Отелло”сида Отелло образи, П.Қодировнинг "Юлдузли тунлар”ида Бобур образи, Уйғуннинг "Абу Райҳон Беруний”сида Беруний образларини яратди.
Каналимизга обуна бўлинг ва энг сўнгги янгиликларни кузатиб боринг
Jizzaxnews |Тelegram | Facebook | Dzen | YouTubе
