Уч-Курган ГЭСиндеги реконструкция иштери 98%га аткарылды, 2025-жылдын ноябрына толук аяктайт. Жаңыланган жабдуулар коопсуз жана экономикалык электр энергиясын өндүрүүгө шарт түзөт.
🔧 Уч-Курган ГЭСтин №3 гидроагрегатынын реконструкциясы 98% аяктады.
⚙️ Азыркы учурда гидроагрегатта башкаруу шкафтарын ишке киргизүү жана жөндөө иштери жүргүзүлүүдө, ошондой эле агрегатты чогултуу жана системага май куюу иштери аткарылууда.
🛠️ №4 гидроагрегатта башкаруу системасын алмаштыруу жана мурун аныкталган кемчиликтерди жоюу иштери жүрүүдө.
🔍 №5 жана №6 гидроагрегаттарда адистер затворлорду чогултуу жана дефектоскопия жүргүзүп, долбоордук жерлерге орнотууга даярдап жатышат.
🔩 №2 гидроагрегатта статордун станинасын ширетүү иштери уланууда, бул электромеханикалык жабдуулардын негизги этаптарынын бири болуп саналат.
💡 Уч-Курган ГЭСтин модернизациясы өлкөнүн энергетикалык системасынын өнүгүшүнө маанилүү салым кошуп, электр энергиясын туруктуу, коопсуз жана үнөмдүү өндүрүүгө жаңы мүмкүнчүлүктөрдү берет.